У Баранавічах падлетка арыштавалі проста ў гімназіі. На «выязное пасяджэнне» сагналі школь…

У баранавіцкай гімназіі правялі «выязное пасяджэнне», на якім абралі меру стрымання для падлетка. Яго вінавацяць у хуліганстве, паведамляе мясцовая інспекцыя па справах непаўналетніх. Яна апублікавала справаздачу на сваёй старонцы ў сацсетцы «Вконтакте».

У Баранавічах школьнікаў сагналі на пасяджэнне ў актавай залі гімназіі, дзе абралі меру стрымання для падлетка. Яго вінавацяць паводле крымінальнага артыкулу «Хуліганства». 13 лістапада хлопец выпіў з сябрамі на вуліцы, а потым прычапіўся да мінака, ударыўшы таго ў твар.

У «выязным пасяджэнні» узялі ўдзел пракурор, следчы і міліцыянты. У выніку падлетка арыштавалі.

Школьнікам, якіх сабралі ў актавай залі, распавялі, што «затрыманаму няпоўнагадоваму пагражае пакаранне да 3 гадоў пазбаўлення волі».

Сяргей Крот belsat.eu

The post У Баранавічах падлетка арыштавалі проста ў гімназіі. На «выязное пасяджэнне» сагналі школьнікаў appeared first on belsat.eu.

#Беларусь